21 January 2013

പോസ്റ്റ്മാന്‍

പോസ്റ്റ്മാന്‍ പപ്പന്‍ 
പടിക്കല്‍ നിന്നൊരു
മണിതൊടുക്കും
പടിക്കലേക്കെത്തുംവരെ
എത്രയെത്ര 
പ്രതീക്ഷകളാണ്
കവറിലേക്കൊളിഞ്ഞ്
നോക്കുന്നത്

സ്വപ്നങ്ങള്‍ ചുമക്കും
കുറിമാനങ്ങളെല്ലാം
കാന്തികവലയങ്ങള്‍
കട്ടെടുത്തു

പെരുപ്പിച്ച 
പലിശക്കണക്കിന്‍റെ
ശീട്ട് തരാന്‍ മാത്രമാണിന്ന്
ചുറുചുറുക്കുള്ള മണി മുഴുങ്ങുന്നത്
പടിക്കലേക്കെത്തുംവരെ
എത്രയെത്ര 
കോണുകളിലേക്കാണ്
കണ്ണെത്തിനോക്കുന്നത്?