10 June 2011

ഭിക്ഷ

വിധിയേത് കൊണ്ടമ്മേ
എന്‍ വിരല്‍ത്തുമ്പിലീ
ഭിക്ഷാപാത്രം ചേര്‍ത്തുവച്ചു

കാലുറക്കും നാള്‍കളില്‍
കൈകളില്‍ തന്നപ്പോള്‍
കളിപ്പാട്ടമാണന്നേ ധരിച്ചതുള്ളു

കനിവിന്‍റെ പുച്ഛം
കലര്‍ന്നെത്തും തുട്ടുകള്‍
പറയാതെയെന്നോട്
പറഞ്ഞുതന്നു

ചിരിനല്‍കിയെന്നെ
മണിമുകിലേറ്റുന്ന
കളിപ്പാട്ടമല്ലെന്ന്
ഞാനറിഞ്ഞു

വിശപ്പിന്‍റെ സൂര്യന്‍
ഉച്ചിയിലെത്തുമ്പോള്‍
വിരല്‍ത്തുമ്പിലൊട്ടി
ച്ചേര്‍ന്നൊരാപ്പാത്രം
തണലായി എന്നും
കൂടെ നിന്നു

കുറവിന്‍റെ ബാഹുല്യം
കൊണ്ടൊരു ശൂന്യത
എന്നുമാ പാത്രത്തില്‍
നിറഞ്ഞു നിന്നു

അവജ്ഞയോടെങ്കിലും
ഒരരിമണി നീട്ടിടുമ്പോള്‍
കരളിലെന്‍റെ ഒരുനുള്ളു
കലര്‍ത്തീടുവാന്‍
അറിയാതെയുള്ളം
കൊതിച്ചുപോയി.

1 comment:

  1. paattu nannaayi.
    vyathyasthamaaya mattoru kaaryam parayatte?.bhiksha oru kaalathu maanyamaayirunnu.(keralathil buddha matham shakthamaayirunna aa kaalathu)Dhamam tharuka ,Dharmaaspathri,Dharmam,Dharmasasthavu thudangiya vaakkukal oorkkuka.

    ReplyDelete